Liverpooli fiton Derbin e Anglisë dhe këtë e bën duke vendosur edhe një rekord negativ në dëm të Manchester United duke u bërë e para skuadër në Premier që i shënon më shumë se 9 gola brenda një sezoni ekipit të “Djajve”.
4-0 triumfoi ekipi i Jurgen Klopp në “Anfield Road” ku tifozët i kushtuan një përqafim të ngrohtë të munguarit të madh të mbrëmjes, Cristiano Ronaldo. Nuk kishte aspak histori në ndeshjen e “Merseyside” ku “The Reds”kaluan menjëherë në avantazh me Diaz ndërsa më pas dyfishuan me Salah. “Faraoni” i dha fund shterpësisë prej 6 ndeshjesh pa shënuar duke realizuar në fund edhe të dytin për t’ia lënë radhën Mane në pjesën e dytë i cili u asistua në mënyrë perfekte nga Diaz.
Tre pikë jetike në garën për titullin kampion pasi Liverpool rikthehet përkohësisht në krye të klasifikimit me dy pikë diferencë nga Manchester City që ndeshjen e tij duhet ta luajë të shtunën kundër Brighton. Në krahun tjetër, Manchester United mbetet tre pikë larg Tottenham që mban vendin e fundit të zonës Champions por udhëton këtë fundjavë në transfertën e Brentford.
