Cristiano Ronaldo pritej të bëhej babai i dy binjakëve me Georgina Rodriguez, por gjatë lindjes së modeles, fatkeqësisht jo gjithçka ka shkuar sipas parashikimeve dhe çifti ka humbur një prej binjakëve.
Bëhet fjalë për djalin, ndërsa vetë portugezi në një reagim në Instagram ka bërë publike ngjarjen ndërsa thekson se dhimbjen ia zvogëlon vetëm fakti se vajza e tij e porsalindur gëzon shëndet të plotë.
Pas lajmit tragjik, motra 37-vjeçare e Ronaldos, Katia Aveiro, postoi një mesazh nga shtëpia e saj në Brazil, duke thënë se foshnja tani është me babanë e tyre të ndjerë.
“Engjëlli ynë i vogël është tashmë në prehrin e babit”, një referencë për babain e tyre Dinis, i cili vdiq në 2005.
“Të dua dhe zemra ime është me ty atje. Zoti kujdeset për ju dhe forcon rrugën tuaj gjithnjë e më shumë. Engjëlli ynë është tashmë në prehrin e babait. Dhe vajza jonë e vogël është atje e fortë dhe plot shëndet dhe do të na tregojë çdo ditë se vetëm dashuria ka rëndësi”, ka shkruar ajo.
