Demokrati Ibsen Elezi, i ftuar në emisionin “Me Xhaxhiun” në Fax News tha se zhvillimet politike brenda Partisë Demokratike kanë 3 etapa, duke nisur nga 9 shtatori e deri më tani.
Elezi theksoi se me Kuvendin e 11 dhjetorit u ngjall një frymë kundër modelit të Lulzim Bashës por që pas atij momenti demokratët nuk po shkojnë drejt bashkimit sepse po ndjekin modelin e kryeministrit Rama.
Ai shtoi ndër të tjera se nuk mund ta rrëzosh një regjim të tillë nëse partia opozitare funksionon me programim ashtu si ajo qeverisëse, duke shtuar se edhe ish-kryeministri Berisha nuk po del nga bataku i mëparshëm për të sjellë ndryshimin në PD.
Pjesë nga intervista në studio:
Ibsen Elezi: Të cenosh demokracinë që është element kushtetues, kur një parti nuk funksionon mbi elementët e demokracisë ajo është parti anti-kushtetuese.
Modeli më ka shqetësuar, unë i kam përballuar betejat dhe kur më kanë bërë shkelje. Këta ti japin listat një ditë më parë, nuk lejojnë as të flasësh me njerëzit. Mentaliteti organizativ vjen nga mendimi i punës, e kanë partitë.
Kur tjetri të nxjerr emrin për garë dy ditë më parë, këtë bënte Basha. Jam i bindur dhe faktuar, është diskutuar që do ketë garë me primare por me debat.
Nuk dua të më votojnë njerëzit si kukull, ky është parimi i bashkimit dhe rrëzimit të Ramës. Këta duan ta rrëzojnë por nuk dinë se si, bëjnë të njëjtat gjëra si ai. E pe kongresin? Gjithçka ishte e progamuar, artificial.
Nuk mund të ndodhë ky fenomen në PD, edhe pse ka filluar dhe nuk po shkëputet dot.
-E ke cituar Flamur Nokën si shërbëtor të Gjicit, pse?
Elezi: Është e vërtetë, ai kaloi cdo lloj caku, u doli kundër banorëve të vet, këshillit bashkiak. Ai doli dy ditë më parë në Kuvend dhe tha mos dilni protestë se këta janë njerëz të shitur te Rama, nuk ja pranoj këtë një deputeti të zonës time kur ai e di mirë se nuk kam pranuar në jetë të shitem.
Kur një njeri arrin deri në ekstrem, ai ka kryer një akt trathtie se ato e kanë mandatuar. Ai ka pasur marrëdhënie me Safet Gjicin. Këto akuzojnë në mënyrë të turpshme, edhe ky kandidati tjetër që doli përballë vëllait tim, në protestë se hapte gojën fare.
Duhet ta ndajmë në 3 ecurinë e zhvillimeve politike, deri me 9 shtator ishim shumë njerëz por nuk ngjallëm dot frymën për ti ngritur njerëzit në këmbë, për shkak se edhe Berisha ishte kunddër edhe e pengonte. Me 11 dhjetor u kthye fryma kundër modelit të Lulit. Pas 11 dhjetorit Berisha ka marrë atributet që ai është G-29. Në statut nuk janë riparuar këto të listave.
Se mirë e tha një kuksian, e do luftën e pyetën jot ha, po paqen, ça paqe mor burrë, unë du tollovi të përfitoj noj gja.Këta e mbajnë tollovi për të përfituar ndonjë gjë. Sali Berisha ka njerëz pas tij që e barazojnë demokracinë me të, Kuvendi i parë ishte i turpshëm.
Në Kuvendin e korrikut 2021, puthja e tyre ishe me thika pas shpine, kur këto thyerje janë bërë dhe nuk janë kontestuar patjetër që Berisha e ka të vështirë të shkëputur nga bataku, prandaj nuk e bën dot ndryshimin. E them me dhimbje të madhe, sepse shoh që në momentin një frymë e sapo krijuar mbyt vetveten, shpresat e shqiptarëve do jenë të venitura. Partia të dhemb sa i ke rrënjët unë i kam që në 1945 kur më burgosën gjyshin, Berisha i ka të vonshme në ’90 kur i thanë merre dhe drejtoje.
