Analisti Andi Bushati në e emisionin “Shock” tha se shumica e grupit parlamentar të PD po përpiqet të ndalë revanshin e Sali Berishës dhe berishizmit.
Bushati tha se kjo është e drejta që ata kanë, pasi ata po shprehin frikën e mosrespektimit të një pakice.
“Këta deputetë po përpiqen të ndalin Berishën për të emëruar në çdo strukturë njerëzit e tij. Pra, kjo tregon frikën e atyre deputetëve se Berisha po merr 100 % gjithçka në PD, në degë dhe çdo forum tjetër”, tha Bushati.
Sipas tij, merita ose fitorja reale e Berishës do të jetë kur ai tí fusi në një qerthull edhe ata që nuk e duan.
“Ata që i thonë Berishës ik e kanë gabim, por po kaq gabim e ka edhe Berisha kur nuk po respekton atë që konsiderohet pakicë. Nuk mundet që Berisha të marrv gjithçka duke treguar 6 marsin, kjo nuk është demokracia”, tha Bushati. Ai shtoi se opozita nuk ka luksin të sillet si autokrat në opozitë, i duhet një bashkim i madh popullor ndaj regjimit të Edi Ramës.
“Berisha ka tipare prej autokrati kur ushtron pushtet, por në kushtet aktuale nuk ka asnjë interes qoftë edhe për 1 demokrat ose opozitar, sikur të largohet”, tha Bushati.
Sipas tij, logjika që fitimtari i merr të gjitha është revanshiste dhe besoj se kjo po përpiqet që të ndalet nga grupi i deputetëve që sot po mbështesin një platformë.
