I ftuar në Task Force në SYRI TV, anëtari i Komisionit të Rithemelimit Genc Deromemaj ka komentuar procesin e votimeve për kreun e PD Vlorë ku fituesi është shpallur Atird Hoxha.
Deromemaj ka sqaruar se procesi i votimit për kreun e PD Vlorë ka shkuar sipas pritshmërive dhe se ky ishte një proces që duhet të ishte kryer pasi partia ka nevojë për rinovimin e energjive.
“Të katërt kandidatët në garë ishin vlonjate, ishin anëtar të PD-së anëtarë të strukturave të degës, garuan, bënë fushatën e tyre dhe pritën rezultatin.
Ka pasur jo më shumë se 6 apo 7 anëtarë që nuk e kanë pasur emrin në lista dhe nuk kanë pasur edhe kartë anëtarësie dhe sipas rregullave të vendosur nuk janë lejuar të votojnë.
Ishte një rregull i vendosur që në fillim, duke qënë se ishin katër kandidatë dhe për ti mos përplasur anëtarët me të drejtë vote u vendos që të mos votonin ata që nuk kishin emrin dhe një kartë anëtarësie.
Rasti i Vlorës dëshmoi se jo vonë që nuk ishte por procesi duhet të ishte kryer. PD-ja ka nevojë që të rinovojë energjitë.
Arsyeja që nuk rikandidova është për ta thënë shkurt që ti hapim rrugë të rinjve”, tha Demomemaj.
