Rreth 40 marinarë u vranë, disa janë zhdukur dhe shumë të tjerë kanë mbetur të plagosur nga fundosja e luftanijes ruse Moskva, që u mbyt disa ditë më parë si pasojë e sulmeve me raketa nga Ukraina.
Gazeta e pavarur ruse Novaya Gazeta Europe citon nënën e një marinari që besohet se ka qenë në bordin e anijes luftarake. Ajo tregoi se djali i saj i telefonoi dhe i tregoi se luftanija Moskva ishte goditur nga 3 raketa nga territori ukrainas.
Djali i kishte thënë se kishte parë gjëra të tmerrshme, duke shtuar se shumë nga të plagosurit kishin humbur gjymtyrët për shkak të shpërthimeve me raketa. Gazeta nuk i bërë të ditur emrat e nënës dhe të djalit të saj marinar për t’i mbrojtur.
Por njofton se ka prova dhe dokumente që i japin besueshmëri këtyre deklaratave.
Ndërsa Ministria ruse e Mbrojtjes deri më tani nuk ka dhënë asnjë informacion për viktima nga fundosja e luftanijes.
