Në mbledhjen e nesërme të Grupit Parlamentar socialist pritet të paraqiten edhe 3 emrat që deputetët socialistë mbështesin si kandidat për postin e Presidentit të vendit.
Bazuar në Kushtetutë, një kandidat duhet të ketë mbështetjen e të paktën 20 ligjvënësve, të cilët nuk kanë të drejtën të mbështesin më shumë se 1 emër.
Ndërkohë zbardhet edhe formulari që duhet plotësojnë deputetët e Grupit Parlamentar të Partisë Socialiste në Kuvendin e Shqipërisë për emrin e presidentit të ri të kreut të Shqipërisë.
Por bazuar te formulari, një deputet i PS mund të propozojë deri në 3 emra, të cilat më pas do të kalojnë në sitën e grupit parlamentar, përpara se të hidhen nga socialistët në atë që e konsiderojnë si procesi i negociatave.
Nëse i referohemi numrit të deputetëve të PS në Kuvend, atëherë maksimalisht mund të paraqiten 224 emra, çka duket se po e kthen procesin e zgjedhjes së Presidentit në qesharak, referuar edhe faktin se garës po i vetëofrohen shumë emra.
