Ish-Kryeministri Sali Berisha tha se “nuk ka aspak frikë nga SPAK dhe thirrjet që bën Edi Rama apo Lulzim Basha për hetimin tim”.
Berisha tha se nuk ka ndërmend t´i shmanget asnjë procesi për shkak të parashkrimit apo për shkak të procedurave.
“Edi Rama i tha SPAK-ut skape Sali Berishën. Pastaj edhe Lulzim Basha pothuajse tha të njëjtën gjë, pasi janë të dy bashkarisht”, tha Berisha.
Ai u shpreh se vazhdimisht ka deklaruar se s´ka imunitet dhe as parashkrim për asnjë çështje, duke shtuar se do të përballet me çdo gjë, nëse ka prova dhe fakte.
“Për Sali Berishën kanë ngritur Komision Hetimor pas 1997, kanë hetuar brenda dhe jashtë vendit dhe nuk kanë gjetur gjë. Sali Berisha ka zbatuar gjithmonë ligjin”, tha Berisha.
