Ka përfunduar procesi i zgjedhjeve dhe numërimit për kryetarët e rinj në disa nga degët e Partisë Demokratike.
Kështu në degën 13 në Tiranë fitues u shpall Arsen Kujtim Valisi me 61% të votave, ndërsa degën 3 po në Tiranë do e drejtojë Gëzim Hasan Demushi, i cili u shpall fitues me 81% të votave.
Ndërsa në degën 9 po në Tiranë, fituese u shpall Eda Grimci me 259 vota. Përballë saj garonte Hasan Cani, i cili mori 212 vota.
Degën e PD në Kamëz do e drejtojë Arjan Hoxha, i cili u shpall fitues me 788 vota. Në garën për kreun e PD ishin gjithashtu edhe Qemal Çejku 374 vota, Artan Kukeli 47 vota dhe Enver Muça 31 vota.
Ndërsa, Hysen Kadiu është zgjedhur sot kryetar i degës së PD në Kavajë. Kadiu fitoi se 539 vota, ndërsa në garë ishte me Rudin Hilviun dhe Eris Xhihanin, që morën respektivisht 359 vota dhe 179 vota.
Degën e PD në Vlorë do e drejtojë Artid Hoxha, i cili u shpall fitues me 535 vota nga 818 votues në total. Në garë kanë qenë 4 kandidatë, Artid Hoxha, Edmond Banushaj, Fatjon Fejzaj dhe Lorenc Danaj.
Ndërsa degën e PD në Sarandë do e drejtojë Manjola Nikolli, e cila u shpall fituese me 451 vota. Në garën për kryetarin e degës së Sarandës ishin gjithashtu edhe Elvis Kuçi, Brigels Dervishi dhe Robert Haxhi.
Fitues në degën e Gjirokastrës është shpallur Eris Shahin Shehaj, me 53% të votave.
Ndërkohë degën e PD në Kukës do e drejtojë Admir Behlul Sinamati, i cili u shpall fitues me 91% të votave.
Degën e PD në Has do e drejtojë Elez Maçi, i cili u shpall fitues me 559 vota. Në zgjedhjet që u mbajtën sot morën pjesë 1016 votues, ndërsa 48 vota u shpallën të pavlefshme. Në garë ishte edhe kandidati Dermush Kastrati, i cili mori 429 vota.
Fitues në degën e Përmetit është shpallur Arson Klenathu Lipe me 81 % të votave, ndërsa në Memaliaj fitues është shpallur Bujar Pasho Kapllani.
Kryetar i degës së PD në Tepelenë është shpallur Malo Hydai Sadikaj, ndërsa degën e Cërrikut do e drejtojë Nadire Aqif Asllani, e cila fitoi me 78% të votave.
Degën e PD në Patos do e drejtojë Shezaim Ramadan Ymeraj, i cili u shpall fitues me 69% të votave, ndërsa degën e Këlcyrës do e drejtojë Arjan Kapllan Kasa, i cili u shpall fitues me 92% të votave.
Ndërkohë, kryetar i PD Pogradec u shpall Genti Shaqir Cela, i cili doli fitues me 54% të votave.
Gjatë paradites, PD njoftoi zyrtarisht edhe rezultatet e zgjedhjeve të zhvilluara një ditë më parë, në 9 degë të Partisë Demokratike. Kështu referuar informacioneve zyrtare, drejtuesit e rinj janë si më poshtë:
1.Dega 6 Tiranë:
Morën pjesë në garë dy kandidatë.
Fituese u shpall znj. Onelda Zefi me 79.7% të votave
2.Dega PD Skrapar:
Morën pjesë në garë dy kandidatë.
Fitues u shpall z. Hajredin Bakiasi me 69% të votave
3.Dega 16 Tiranë:
Morën pjesë në garë tre kandidatë.
Fitues u shpall z. Eduard Rexha me 69.7% të votave
4.Dega Paskuqan:
Morën pjesë në garë dy kandidatë.
Fitues u shpall z. Anton Pjetërnikaj me 86% të votave
5.Dega 10 Tiranë:
Morën pjesë në garë tre kandidatë.
Fitues u shpall z. Andi Beliu me 65% të votave
6.Dega PD Kucovë:
Morën pjesë në garë dy kandidatë.
Fitues u shpall z. Myslim Haxhi, me 57% të votave
7.Dega PD Elbasan:
Morën pjesë në garë pesë kandidatë.
Fitues u shpall z. Blendi Himci, me 66% të votave
8.Dega PD Tropojë:
Morën pjesë në garë tre kandidatë.
Fitues u shpall z. Besnik Dushaj, me 54% të votave
9.Dega PD Tirana 11:
Morën pjesë në garë katër kandidatë.
Fitues u shpall z. Shkëlqim Mustafa me 48% të votave.
