Atletico Madrid ka marrë një fitore në frymën e fundit, minuta e 100-të në një sfidë të mbyllur me tension dhe nervozizëm nga Espanyol që po i gëzohej pikës në Ëanda Metrpolitano.
Një sfidë e cila u mbyll pa gola në 45′ e para me skuadrën e Simeones të shfaqur të lodhur nga impenjimi ndaj Manchester City në mesjavë. Megjithatë, në pjesën e dytë Carrasco gjeti golin.
Dukej sikur po shkonte çdo gjë mirë kur miqtë barazuan me De Tomas pasi Kondogbia doli me të kuq dhe la ekipin colchoneros me dhjetë futbollistë. Një moment që mund të ndryshonte gjithçka.
Pas vonesave të shumta, arbitri akordoi 5 minuta shtesë dhe pikërisht në fund në një goditje këndi, lojtari i Espanyol në kërcim preku topin me dorë edhe pse duart i kishte përpara gjoksit.
Arbitri mori kohën e tij ashtu si edhe VAR deri kur u akordua penalltia dhe Carrasco në minutën e 100-të do të godiste dhe shënonte një gol që vlen 3 pikë tepër jetësore dhe të rëndësishme për zonën Champions League, duke shkuar në 60 pikë.
