Laçi gjen suksesin në kampionat pas dy javëve dhe këtë e bën në dëm të Dinamos që hedh një tjetëp hao drejt Kategorisë së Parë. Në Kurbin vendosi Zarubica i shyrë nga era e fortë në një fitore të ngushtë 2-1 që heq shumë pikëpyetje për dy skuadrat në lojë.
E gjeti golin që në topat e parë Saliou Guindo. Saktësisht në sekondën e 33-të, sulmuesi malian depërtoi në zonë dhe me një finalizim të ftohtë ngriu kryeqytetasit, Simoni nuk mund të bënte asgjë por Dinamo nuk e humbi busullën. Skuadra kryeqytetase arriti të rezistonte nga një tjetër rast flagrant i Deliut ndërsa Rexhinaldo mund të kishte barazuar shifrat në pjesën e parë, gjë që e bëri në të dytën 19-vjeçari Devid fejzulla që e ndali topin në rrjetë në shtyllën e parë të Dajsinanit.
Ndeshja u bë e paparashikueshme në minutat deri në fund ku të dyja skuadrat gabuan disa raste flagrante në portat respektive ndërsa në të 85-ën Laçi fitoi një 11-metërsh që u finalizua me sukses nga Zarubica, i cili sfidoi edhe forcat e natyrës duke kaluar sërish në avantazh kurbinasit. Minutat deri në fund nuk e ndryshuan rezultatin. Humbja e katërt për italianin Vanoli dhe vendi i parafundit me 8 pikë diferencë nga zona “play out”, ndërsa Laçi gjen qetësinë dhe konsilodon pozitat e vendit të dytë me 16 pikë diferencë nga Tirana kryesuese.
