Një nga talentet më të mëdhenj të boksit në botë, Ali Tazeem, ka humbur jetën në një aksident automobilistik në Angli.
Tazeem, 18 vjeç, nënshkroi një kontratë profesioniste tre javë më parë, teksa u emërua si pasardhësi i tij nga ish-kampioni i Botës Amir Khan.
Por dje, në një rrugë pranë Birminghamit, makina me të cilën udhëtonte Tazeem u përplas me një autobus në një kryqëzim, dhe boksieri i ri vdiq, ndërsa tre persona u plagosën.
Tazeem fitoi 15 medalje të arta gjatë karrierës si boksier amator dhe në 51 ndeshje arriti rezultatin 45-6. Fatkeqësisht, Tazeem nuk arriti të bënte debutimin si boksier profesionist dhe bota e boksit mbeti pa një nga talentet më të mëdhenj të këtij sporti.
