Tre zyrtar të zyrës së urbanistikës në Elbasan dyshohet se në bashkëpunim me njëri-tjetrin kanë lejuar ndërtimet pa leje në këtë qytet kundër favoreve financiare.
Për këtë qëllim ata dolën para gjykatës, aty ku akuza kërkoi për ta masën e arrestit me burg. Por gjykata pas marrjes së provave vendosi të zbusë masën ndaj tyre duke i lënë në “detyrim paraqitje”.
Po ashtu arrest është kërkuar edhe për një biznesmen dhe një qytetar që dyshohet se së bashku kanë ndërtuar pa leje përkatës. Mësohet se gjykata ka lënë në masën “arrest në shtëpi” biznesmenin Ylli Salla.
