Një atentat me armë zjarri ka nodhur këtë të Shtunë në Shijak, ku shënjestra ka qenë djali i një polici, i cili i ka shpëtuar plumbave.
Sipas një rindërtimi paraprak të ngjarjes nga autoritetet, të shtënat u shënuan rreth orës 12:10 në rrugën dytësore Xhafzotaj –Shijak. Nga një automjet tip “Golf” u qëllua me armë zjarri në drejtim të automjetit tip kamionçinë që drejtohej nga Orlando Petkola.
Si pasojë e të shtënave nuk pati persona të lënduar.
Drejtuesi i kamionçinës humbi kontrollin mbi drejtimin e mjetit dhe për pasojë kamionçina doli nga rruga. Megjithatë, sipas bluve, Orlando Petkola nuk pësoi lëndime fizike.
Pas marrjes së njoftimit, efektivët e Policisë shkuan në vendngjarje, kanë ngritur pika kontrolli në rrugë kryesore e dytësore, si dhe kanë rrethuar zonën. “Vijon krehja e saj për kapjen e autorëve, ndërsa rupi hetimor ndodhet në vendngjarje dhe nën drejtoim e Prokurorisë vijon puna për zbardhjen e rrethanave të ngjarjes, si dhe për identifikimin e autorëve”, njofton policia.
Lexo edhe:
