Një nga emrat më të nxehtë të merkatos në shtëpinë e Real Madrid është Eden Hazard. Belgu, që me Los Blancos nuk ka bindur asnjëherë për shkak të problemeve fizike të vazhdueshme, duket se është mes lojtarëve që do të thonë lamtumirë në fund të sezonit.
Megjithatë, vëllai i tij Kylian nuk e mendon në të njëjtën mënyrë. Siç ka raportuar RTBL, i riu Kylian Hazard ka folur për të ardhmen e vëllait të tij:
“Sinqerisht, nuk besoj se do të largohet nga Real Madrid. Nuk do ta bëjë deri kur nuk do ta ketë treguar se është më i miri”, ka thënë vëllai i Eden.
“Ky ka qenë gjithmonë mentaliteti i tij, në të gjitha klubet ku ka qenë. Nuk ka dëshirë të largohet dhe nuk besoj se do të largohet”.
“Do të largohet vetëm nëse presidenti do t’i kërkojë që të largohet ose nëse do ta kuptojë se nuk ka më mundësi që të luajë. Në këtë rast nuk besoj se do të qëndrojë.
“Megjithatë, mund t’i siguroj tifozët se do të bëjë gjithçka është e mundur që të tregojë se është lojtari më i mirë i Real Madrid”.
