Pavarësisht përplasjeve dhe diskutimeve brenda partisë Demokratike, zgjedhjet për kreun e partisë nëpër degë të ndryshme të vendit vazhdojnë. Sipas njoftimit të publikuar nga faqja zyrtare e PD në Vlorë, të dielën do të mbahen zgjedhjet për kreun e ri të partisë Demokratike në këtë qytet.
Njoftimi i Plotë:
Të nderuar anëtarë të Partisë Demokratike Vlorë!
PD Vlorë përfundoi fazën e parë të ristrukturimit të degës. Ku nga propozimet në proces, kandidatë për Kryetar PD Vlorë janë:
– ATIRD NURI HOXHA
– EDMOND CAUSH BANUSHAJ
– FATJON BESIM FEJZAJ
– LORENC SAZAN DANAJ
Janë të ftuar të marrin pjesë të gjithë anëtarët e PD Vlorë nga Dhjetor 1990, Ditën e Diel datë 17.04.2022, nga ora 08:00 deri më 18:00, pranë “Pallatit të Kulturës Labëria” (salla e Galerisë, kati i parë), në zgjedhjet për Kryetar PD Vlorë.
Shënim:
Anëtarët duhet të paraqiten me Kartën e Anëtarësisë dhe Dokumentin e Identifikimit në ditën e votimit.
