Një i ri shqiptar i ka shpëtuar policisë italiane, pas një përpjekje të kësaj të fundit për ta arrestuar. Shqiptari kërkohej për trafik droge.
Nga raportimet mediatike, agjentët italianë të antidrogës ishin vënë në kërkim të 20 vjeçarit shqiptar pasi ai dyshohej për trafik droge.
Kur i riu shqiptar është pikasur në Viale Borri në Varese nga agjentët e antidrogës, teksa lëvizte me një Opel Meriva, ata e kanë ndaluar atë. Në atë moment 20 vjeçar e ka kuptuar se ata janë efektivë të policisë italiane dhe ka ndezur sërish makinën e tij duke goditur me mjetin e tij edhe njërin prej tyre.
Efektivi përfundoi në spital jashtë rrezikut për jetën. Më pas agjentët e antidrogës gjetën të braktisur makinën e 20 vjeçarit, ndërsa i riu u arratis pa lënë asnjë gjurmë.
Në po të njëjtin operacion, policia italiane arrestoi një nga bashkatdhetarët e 20 vjeçarit të cilët kërkoheshin gjithashtu për kokainë dhe marijuanë.
Agjentët e antidrogës zbarkuan në prej shtëpive të tyre duke arrestuar një 34-vjeçar shqiptar, i kërkuar për posedim dhe trafik droge. Ai u kap me 1 kilogramë kokainë dhe tre kilogramë marihuanë.
