Leicester City është skuadra e parë gjysmëfinaliste e UEFA Conference League pasi kaloi me vështrësi në 180 minuta PSV Eindhoven. Të gjithë golat e sfidës së dyfishtë u shënuan në “Philips Stadion” të Eindhovenit ku skuadra angleze triumfoi 2-1 duke i fiksuar shifrat e sfidës dyshe në avantazhin minimal pas barazimit të një jave më parë në Britani.
Serinë e golave e hapi Zahavi në minutën e 23 të pjesës së parë duke krijuar iluzionin se rruga do të ishte më e lehtë për PSV por Leicester reagoi dhe këtë e bëri me klas pasi arriti të kthehnte në avantazh rezultatin me golat e Maddison dhe portugezit Pereira në pjesën e dytë të sfidës që u mbyll me fitoren e “dhelprave”.
Në gjysmëfinale, Leicester do të ndeshet me një prej fituesve të çiftit Roma-Bodo Glimt ndërsa anglezët konsiderohen favoritë për fitoren në finalen e 25 majit që do të zhvillohet në Tiranë.
