Carlo Bolino u shpreh në emisionin “Top Story” se SPAK ka frikë nga Sali Berisha. Bolino tha se SPAK ka frikë nga linçimi që mund ti bëhet, ndaj dhe nuk vepron.
“Pse SPAK nuk vepron, pse nuk verifikon dosjen e Departamentit të Shtetit? Kanë ardhur indicie nga SHBA, atëherë pse SPAK nuk vepron? Sepse ka frikë nga Sali Berisha”, tha Bolino.
Në debat me Bolinon, Enno Bozdo tha se “SPAK nuk vepron sepse nuk ka prova, nuk ka fakte, atëherë mbi çfarë baze të veprojë”.
“Nëse do të kishte prova apo fakte dy rrugë janë: ose do të hapej çështja, ose SPAK ka shumë frikë nga Berisha. Po pse duhet të ketë frikë nga një politikan i opozitës? Mendoj se nuk ka as prova dhe as fakte, thjesht ishte një lojë që Berisha të tërhiqej dhe vetë ai nuk e ka pranuar”, tha Bozdo.
