Aktori i “Game of Thrones”, Joseph Gatt, është arrestuar pasi dyshohet se ka pasur biseda seksuale në internet me një të mitur në një shtet tjetër.
Aktori 50-vjeçar britanik u arrestua me një urdhër kontrolli në shtëpinë e tij në Los Angeles, Kaliforni më 6 prill, raporton TMZ.
Ai u lirua me kusht duke paguar 5000 dollarë.
Gatt ka luajtur rolin e Thenn Warg në serialin e famshëm të HBO. Përveç “Game of Thrones”, Gatt ka luajtur në filma të mëdhenj, duke përfshirë xhirimin e Disney-t, “Dumbo”, “Stark Trek Into Darkness” dhe “Thor”.
Gatt, i cili u diagnostikua me alopecia që në moshën 12-vjeçare, thuhet se banon në Los Angeles me të dashurën e tij Mercy Malick.
