Këtë të mërkurë po përcillet për në banesën e fundit 30-vjeçarja Merushe Azizaj, e cila u vra ditën e djeshme nga vjehrri i saj, Xhevair Hoxha.
Po në të njëjtin orar, në fshatin Vidhishte bëhet dhe ceremonia mortore e Xhevair Hoxhës.
Në shtëpinë e autorit, aty ku ndodhi edhe ngjarja e rëndë, ka kapluar qetësia, ndërsa nuk ndodhen shumë njerëz në ceremoninë mortore.
Ngjarja e rëndë ndodhi mesditën e djeshme në fshatin Vidhishtë të Roskovecit, ku Xhevairi goditi me thikë bashkëjetuesen e djalit të tij, pas mosmarrëveshjeve që kishin pasur prej kohësh.
Viktima, Merushe Hazizi ka pasur një lidhje tjetër martesore më parë, nga e cila solli në jetë 3 fëmijë të cilët i mban burri i parë. Kjo mendohet se ka qenë arsyeja e refuzimit të kësaj martese nga babai i djalit, Xhevair Hoxha.
