Presidenti amerikan, Joe Biden njoftoi këtë të mërkurën për një paketë të re ndihme ushtarake prej 800 milionë dollarësh për Ukrainën.
Paketa përfshin armë, municione, raketa, transportues të blinduar të personelit dhe helikopterë.
Njoftimin për ndihmën e re kreu i Shtëpisë së Bardhë e bëri të ditur pas një telefonate me presidentin ukrainas, Volodymyr Zelensky, me të cilin bisedoi për të koordinuar dhënien e ndihmës.
Deklarata e Biden:
“Kjo paketë e re ndihme do të përmbajë shumë nga sistemet e armëve shumë efektive dhe me aftësi të reja të përshtatura për sulmin më të gjerë që presim që Rusia të nisë në Ukrainën lindore”.
Presidenti amerikan tha ndër të tjera se SHBA do të vazhdojë të punojë me aleatët për të ndihmuar Ukrainën me armë dhe ndihma tjera.
“Furnizimi i qëndrueshëm me armë që Shtetet e Bashkuara dhe aleatët dhe partnerët e saj i kanë ofruar Ukrainës ka qenë kritike që frocat ukrainase t’i rezistojnë pushtimit rus”, deklaroi Biden.
