Një i ri shqiptar është dënuar me 8 muaj burgim pasi është kapur në një “shtëpi bari” në Angli.
Sipas raportimeve mediatike lokale, gjykata e Sheffield Croën dëgjoi më 11 prill se si Shaban Hallulli, 26 vjeç, u gjet nga policia në një pronë në Carter Knoële Road, Sheffield, me 218 bimë kanabisi dhe pajisje të sofistikuara të rritjes, duke përfshirë tenda, ndriçim, ventilatorë dhe transformatorë.
Gjyqtari Peter Kelson i tha Hallulli-t: “Njerëzit që përfshihen në rritjen e kanabisit, edhe nëse roli i tyre është i kufizuar në atë që quhet ‘kopshtar’, madje nëse janë të ligjshëm në këtë vend, apo edhe nëse janë me karakter të mirë, do të shkojnë në burg.”
Prokurori Anthony Moor tha se policia bastisi fermën e kanabisit ku Hallulli kishte qëndruar dhe po kujdesej për 218 bimët që u gjetën në dy dhoma gjumi dhe në papafingo, bashkë me pajisje për kultivimin.
Moor shtoi se kur mbërriti policia, Hallulli u pa duke u përpjekur të hapte një dritare të dhomës së ndenjes si për të shpëtuar, përpara se të kthehej dhe u gjet i ulur në një divan. Përveç bimëve, oficerët gjetën gjithashtu pajisje për rritjen e tyre, duke përfshirë tenda, ndriçim, ventilatorë dhe transformatorë.
Hallulli, pa vendbanim fiks, i cili nuk ka asnjë dënim të mëparshëm, u deklarua fajtor për prodhimin e drogës kanabis të klasës B pas bastisjes më 2 shkurt 2022.
Avokati i tij Khadim Al’Hassan tha se Hallulli është një shtetas italian që kishte ardhur në Mbretërinë e Bashkuar në mënyrë të ligjshme, kishte humbur punën në Londër dhe kishte ndjekur një ofertë pune në Sheffield, por kur kjo nuk u realizua, disa shqiptarë i ofruan punë dhe strehim në Carter Knowle Road.
Hallulli pretendoi se ai nuk u lejua të largohej nga prona dhe ka prova se ekziston një formë e skllavërisë moderne në rastin e tij, por ai ka zgjedhur të mos përfitojë mbrojtje duke përdorur këtë argument, sipas Aavokatit.
- Al’Hassan tha: “I pandehuri shpreh keqardhje të madhe dhe ai më thotë se kjo nuk është diçka në të cilën ai është përfshirë ndonjëherë dhe ai është thellësisht i penduar për veprimet e tij.”
Gjykatësi Kelson i tha Hallullit se vepra për të cilën akuzohej ishte një krim i rëndë që përfshinte një rritje të konsiderueshme kanabisi. Në fund, e dënoi me tetë muaj burgim.
