Një krim në familje ka ndodhur këtë të Martë në Roskovec, ku një 61-vjeçar ka vrarë partneren e djalit me thikë e më pas është vetëvarur.
Burime nga policia thanë se, mes Xhevahir Hoxhës, 61 vjeç dhe nuses Merushe Hazizi, 30 vjeçe kishte përplasje të shumta.
Mësohet se 30-vjeçarja Hazizi, kishte qenë e martuar më herët me dikë tjetër. Por tani kishte disa muaj që bashkëjetonte me djalin e Xhevairit. Pikërisht për këtë autori i vrasjes, Xhevahir Hoxha nuk ishte dakord dhe duket se i kishte kërkuar që të largohet.
“Sot rreth orës 12:30, në fshatin Vidhishtë, Roskovec, shtetasi Xh. H.,61 vjeç, dyshohet se në banesë ka vrarë me thikë bashkëjetuesen e djalit, shtetasen M.H., 30 vjeçe”, njoftoi policia. Më pas, ka varur veten në një pemë pas banese, shtuan të njëjtat burime.
