Deputeti Gazment Bardhi u shpreh sot pas mbledhjes së Grupit Parlamentar të PD se opozita nuk mund të bëhet fasadë në procesin e zgjedhjes së Presidetit.
Duke shprehur qëndrimin e tij, Bardhi tha se nuk ka nisur ende procesi për zgjedhjen e Kreut të ri të Shtetit, ndërsa shtoi se në këtë pozicion duhet të zgjidhet një figurë përbashkuese.
“Opozita s’ka pse të bëhet fasadë në këtë proces, nëse Edi Rama ka në mendje një emër për President të Republikës. Nëse nga Rama do të kërkohet një proces negociatash real, atëherë patjetër që duhet të marrim pjesë”, tha Bardhi.
