Të afërm dhe fqinj të familjes Hoxha në fshatin Vidhisht të Roskovecit janë të tronditur nga ngjarja e rëndë, ku Xhevair Hoxha vrau me thikë bashkëjetuesen e djalit, Merushe Hazizi dhe më pas vari veten në një pemë pas banese.
Kunata e Xhevahirit e konsideron një krim të paralajmëruar, pasi ai disa herë kishte deklaruar se do të vriste djalin dhe nusen dhe më pas do të vetëvritet.
Arsyeja? Nuk e donte Mirushen nuse shtëpie.
Ngjarja ndodhi ndërsa ai ishte vetëm në shtëpi me nusen. Djali i shtëpisë kishte shkuar për të mbjellë dhe nusen e kishte lënë në shtëpi.
“Para tre ditësh, i thashë mos bëj ndonjë gafë. Unë tha kam vendosur do ta vras djalin dhe nusen dhe vetë do varem. Ai që është varur ishte shumë në rregull, me shtëpi të mirë, punonte. Nuk ishte dakord me djalin. Ai i thoshte mos e merr nusen në shtëpi. I kishte thënë djalit gjithmonë do të vras ty dhe atë dhe do varem. Zihej me djalin për shkak të nuses”.
Më tej ajo tregon se Fatjon Hoxha dhe Mirushe Hazizi kishin qenë më parë të martuar.
“Ishte i martuar, ka një djalë 8 vjeç. Nuk e donte atë dhe e mori këtë. Edhe Mirushja shumë e mirë. Vjehrra e donte. Kishte tre fëmijë ajo, i la te e ëma. Kanë një vit bashkë”.
