Një grua e moshuar ka përfunduar në spital pasi është kafshuar nga dy qenë pitbullë në Tiranë.
Ndërkohë, policia ka arrestuar pronarin e qenëve.
“Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit B.F., 66 vjeç, banues në Tiranë, për veprën penale ‘Braktisja e kafshës së shoqërimit’, pasi ky shtetas ka braktisur dy qentë e tij (Pitbull), të cilët më pas kanë sulmuar shtetasen S.Gj., 66 vjeçe, e cila është dëmtuar dhe ndodhet në spital, nën kujdesin e mjekëve”, njoftoi policia këtë të Martë.
