Ish-Kryeministri Sali Berisha tha se nuk e njeh më Enkelejd Alibeajn si Kryetar të Grupit Parlamentar.
Berisha tha se nga momenti që Alibeaj vendosi të padisë në Gjykatë Partinë Demokratike, tregon se ai kundërshton një proces që nuk e kundërshton dot asnjë shqiptar.
“Për të qenë i hapur me ju si një njeri që isha shprehur për Enkelejd Alibeajn ndonëse me probleme të vërteta qenia e tij si kryetar grupi, por me një marzh tolerance të padiskutueshme, me veprimin e tij ai pushon së qenuri kryetar i grupit parlamentar”, tha Berisha.
Ish-Kryeministri tha se Alibeaj ka ndërmarrë veprime që i shërbejnë Edi Ramës dhe në kushte të tilla ai s´mund të jetë më kryetar i Grupit.
Berisha tha se pavarësisht se Alibeaj sillet si kryetar në detyrë i PD, ai faktikisht nuk ka asnjë funksion.
“Padia që ka ngritur nuk ka asnjë bazë ligjore dhe ky është një veprim i papranueshëm, nuk është thjesht një mendim ndryshe, por një veprim që i shërben Edi Ramës. Ai pushon që qeni edhe Kryetar i Grupit Parlamentar”, përsëriti Berisha.
