Ish-kryeministri Sali Berisha i ka kërkuar dorëheqjen Enkelejd Alibejat nga posti i Grupit Parlametar të Partisë Demokratike.
Burime bëjnë me dije se në mbledhjen e stome të grupit, Berisha ka kundërshtuar vendimin e Alibeajt për të ankimuar në gjykatë vendimin që njohu Kuvendin e 11 Dhjetorit 2021, zhvilluar në “Air Albania”.
Berisha tha se ndryshimet e miratuara në atë Kuvend janë pranuar nga çdo demokrat, teksa shtoi se ambasadorja amerikane Yuri Kim mund të ketë bërë presion në gjykatë.
“Rishiko pozicionin sepse ti punon kundër PD për interes të Bashës i cili kontrollohet nga Rama”, ka thënë Berisha.
“Përbashkimi i PD-së ka patur vështirësi por ekziston një vullnet i gjerë, si në bazë, si te deputët për të zhbërë për një periudhë të shkurter perçarjen, por po ju them në këtë kontekst u shpreh publikisht se ne e pranojmë kryetarin e grupit edhe pse në 11 dhjetor është i shkarkuar nga detyra. Duheshin bërë hapa në këtë drejtim. Por një njeri që dha doreheqjën, iku dhe pasoi një zinxhir ngjarjesh. Ai mbart me vete të verteta të hidhura si dosjen ruse psh. Une e kam mohuar vetë, por dolën gabim të dhënat që kisha unë. Por ka edhe një gjë tjetër. Pa asnje tager Alibeaj padit PD-në në gjykatë. Padit nje proces që demokratët e kanë pranuar. Yuri Kim ka bërë presion në gjykatë”, tha Berisha më tej.
Në përgjigje ndaj ish-kryeministrit, Alibeaj tha se vendimi i dhënë nga gjykata nuk është i formës së prerë. “Ti pushtove selinë e PD, do që të hiqesh si triumfator”, iu drejtua Alibeaj-ish-kryeministrit Berisha.
