Ish-Kryeministri Sali Berisha deklaroi mbrëmjen e sotme se ndaj Gjykatave po ushtrohet presion për të kaluar ankimimin e depozituar nga Enkelejd Alibeaj ndaj vendimit të 25 marsit, që njohu Kuvendin e 11 dhjetorit 2021.
Madje Berisha akuzoi se qeveritarë, por jo vetëm po ushtrojnë presionet, ndërsa shtoi se shumë shpejt do të denoncojë me fakte konkrete atë që po ndodh.
“Ajo që është plotësisht e pranueshme, duhet të bëhemi praktikë, po të marrim 5 mijë seksione, duhen verifikuar procedurat.
Këtë parti e kemi ndjekur dhe në vitin 2012 2013, është konstante, kjo procedurë kënaq plotësisht pretendimet e secilit. Koha që kemi në dispozicion është e mundur për të vërtetuar gjithcka, cdo gjë në përputhje apo shkelje me statutin.
Nuk ka shqiptar që dyshon në ato rezultate, të 6 marsit. Është thjesht regjistrim në Gjykatë, merr formën e prerë automatikisht pasi kalon afati i ankimimi i palës.
Gjykata dhe ky përcaktim është në kodin e procedurave civile, në datën 12 mos gaboj, vendimi është i formës së prerë. Edi Rama po bën presione të jashtzakonshme në gjykatë, nëse s’do kisha 2 burime kurrë nuk do e thosha por po e ndjek. Qeveritarët dhe jo vetëm kanë ndërhyrë fuqishëm në gjykatë, e kuptoni ju vetë”, tha Berisha.
