Vendimi për të përjashtuar aktorin Will Smith nga Oscar dhe ngjarjet e tjera të Akademisë së Filmit është gjykuar si i pamjaftueshëm.
Shumë njerëz janë të mendimit se aktorit duhet t’i hiqet çmimi si aktori më i mirë për rolin në filmin “King Richard”, çmim të cilin e mori pasi goditi me shuplakë Chris Rock. Madje, ka nga ata që mendojnë se aktori duhej akuzuar për sulm.
“Nëse ndonjëri prej nesh do ta kishte bërë këtë, do të qëndronim ende në burg duke pritur lirimin me kusht. Vetëm 17 milionë shikues si dëshmitarë!”, shkroi një ndjekës.
Burime pranë Chris Rock kanë bërë me dije se komediani nuk ka ndërmend të ngrejë një padi ndaj aktorit.
