Leroy Sane ka shkaktuar tërmet na kampin bavarez vetëm një ditë para ndeshjes së dytë çerekfinale të Champions League, një “finale” e vërtetë për Bayern Munchen kundër Villarrealit në “Allianz Arena”.
Shtypi gjerman vë në dukje këtë të hënë, se Sané është i inatosur pasi u zëvendësua në minutën e 64-të kundër Augsburgut, ai shtrëngoi dukshëm duart me trajnerin Julian Nagelsmann i zhgënjyer, por më pas u zhduk menjëherë në dhomën e zhveshjes, në vend që të ulej në stol me shokët e tij si zakonisht.
Nagelsmann reagoi me qetësi.
“Leroy është i inatosur me veten. Duhet ta pranoni këtë, unë nuk jam i zemëruar. Preferoj që ai më mirë të shkojë në dhomat e zhveshjes, se sa të ndihet i zemëruar në pankinë. Kjo ka pak efekt. Kështu që duhet të merreni me aktrimin tuaj, nëse keni ndonjë problem me të”, u tha ai gazetarëve.
“Bild” thekson se nuk është e vetmja ‘e drejtë speciale’ që ka Sané. Gjatë stërvitjeve ai zakonisht vjen i fundit në fushë dhe shpesh vonohet edhe disa minuta. Përveç gjobave të vogla, kjo nuk ka pasur asnjë pasojë deri më tani.
