Ish-Kryeministri Sali Berisha u shpreh mbrëmjen e sotme në emisionin “Politiko” se është në një përballje me të gjithë fuqitë që ka për shpalljen “non grata” nga Sekretari amerikan i Shtetit.
I pyetur lidhur me shpalljen “non grata” të ish-deputetit socialist Aqif Rakipi dhe biznesmenit Ylli Ndroqi, Berisha u shpreh se “ai personalisht është shpallur si pasojë e lobimit të George Soros dhe Edi Ramës, ndërsa lidhur me deklarimet e sotme, nuk mund të bëjë komente”.
“Sot është sanksionuar Gruevski, i cili ka një proces gjyqësor, kur Sali Berisha u sanksionua pa pasur kurrë një padi apo proces.
Për të tjerët nuk mund të komentoj, nëse sanksionimet bëhen me fakte nuk janë kundër, por nëse bëhen si në rastin tim, absolutisht nuk mund ti pranoj”, tha Berisha.
Ai tha se nuk është kundër sanksioneve kur ato bazohen në fakte, prova apo dokumenta.
