Kategoria Superiore do të rikthehet në fundjave, ku janë planifikuar të zhvillohen 5 sfidat e vlefshme për javën e 29-të. Elita e futbollit shqiptar, ka hyrë në sprintin e saj final, teksa duelet e kësaj jave do të zhvillohen të ndara në 2 ditë.
Të shtunën do të luhen paralelisht në orën 13:45 dy sfida mjaft të rëndësishme sa i përket garës për mbijetesën. Egnatia pret në Rrogozhinë, kryesuesit e Tiranës, ndërsa Kastrioti do të përpiqet të vijojë ecurinë e rezultateve pozitive edhe ndaj Kukësit të Longos, që po humbet terren në luftën për garën Europiane.
Ndërkohë ditën e diel do të zhvillohen edhe 3 takimet e mbetura të javës së 29-të. Laçi dhe Dinamo do të masin forcat në orën 13:45, ndërsa në orën 16:45 do të luhen vend duelet Partizani-Skënderbeut dhe Teuta-Vllaznia.
Java e 29-të e Superiores:
E shtunë
13:45 Egnatia – Tirana
13:45 Kastrioti – Kukësi
E dielë
13:45 Laçi – Dinamo
16:45 Partizani – Skënderbeu
16:45 Teuta – Vllaznia
