Deputetët e PD-së Edmond Spaho dhe Luan Baçi kanë ironizuar me vendimin e Kryetares së Kuvendit, Lindita Nikolla, që deputetëve ti japë vetëm 2 minuta për të folur, gjë e cila nuk është dëgjuar më parë në foltoren e parlamentit.
Nikolla lexoi listën e deputetëve në Kuvend dhe kohën respektive që i kishte caktuar secilit, ku një pjesë e vogël e deputetëve të cilët janë përjashtuar nga grupi parlamentar i PD-së i kishte caktuar vetëm 2 minuta për folur.
Deputetët e tjerë kishin nga 5 minuta dhe deputetëve të PS-së 7 minuta.
Spaho ka kërkuar fjalën e tij dhe i ka komunikuar Nikollës se minutat e tij ia kalon deputetëve të mazhorancës, vetëm në rast se flasin për kanabizimin.
Pas Spahos, deputeti Baçi gjithashtu i ka kërkuar Nikollës që 2 minutat e tij t’ja kalojë kolegëve të mazhorancës, meqë janë keq me minutat.
