Sot është arrestuar nga policia autori i atentatit ndaj drejtorit të një shkolle në Tiranë.
Lulzim Masha po ecte me makinën e tij pranë Liqenit të Thatë, kur është qëlluar nga një i ri, 31 vjeç.
Ngjarja ka ndodhur më 18 janar 2022. Ndaj drejtorit të shkollës u qëllua tri herë, e dy plumba kapën automjetin.
Skerdi Tasi ishte personi i dyshuar për atentatin e ndodhur. 31-vjeçari është arrestuar për vrasje me paramendim të mbetur në tentativë dhe armëmbajtje pa leje.
Njoftimi i policisë:
Specialistët për Hetimin e Krimeve në Komisariatin e Policisë Nr. 1 bënë ndalimin e shtetasit:
– S. T., 31 vjeç, për veprat penale ‘Vrasja me paramendim’ e mbetur në tentativë, dhe ‘Mbajtja pa leje dhe prodhimi i armëve, armëve shpërthyese dhe i municionit’. Ky shtetas me datë 18.01.2022, te nënkalimi te Liqeni i Thatë, ka qëlluar me armë zjarri në drejtim të mjetit me drejtues shtetasin L. M., 63 vjeç.
