Taulant Seferi ka deklaruar se Tirana do të vazhdojë rrugën e saj deri në fund duke mos u ndalur përpara asnjë skuadre. Në “SuperSport” ai bëri të qartë se ekipi nuk do të toleronte rivalët që kishte përballë pavarësisht renditjes.
“Fillimisht falënderoj ekipin se pa të nuk do të isha me këto statistika dhe meritat i ka ekipi. Besoj se deri tani kemi bërë një sezon të mirë dhe jam shumë i kënaqur dhe i lumtur me çunat. Sot jam i kënaqur me veten se 4-0 është një rezultat i mirë, me 2 asiste e një gol besoj se është mirë.
E ardhmja? Në futboll nuk i dihet, vjen momenti që thua do iki se vjen oferta, por deri tani nuk ka asgjë. Nëse do të jem për Europë, nëse do të vijë oferta e mirë, do iki. Nuk i dihet ende asgjë.
“Këpuca e Artë”? Të them të drejtën nuk më ka interesuar as nga fillimi i sezonit e as tani, qëllimi im ka qenë të sjellim Tiranën ku është sot, në këtë aspekt jam i kënaqur dhe kush do të dalë golashënuesi do ta shohim në fund.
Ditën e ndeshjeve nuk kemi agjëruar se jemi udhëtarë dhe na lejohet. Sot nuk kemi agjëruar veç Gentit e Ilionit, për në që ishim titullarë nuk kemi agjëruar sot. Nga nesër do të kthehemi përsëri të agjërojmë.
Këtu fjalët dalin kot, por unë them se Tirana nuk do ketë mëshirë për asnjë, do të luajë të gjitha ndeshjet deri në fund dhe deri në fund do të japim maksimumin në secilën ndeshje”, deklaroi Seferi.
