Është një formë e jashtëzakonshme ajo që po kalon Real Madrid. Humbja e thellë në El Clasico është lënë pas dhe sot djemtë e Ancelottit vijuan të fitojnë edhe në La Liga.
“Los Blancos” vinin nga një fitore me Chelsean që i vendos në pozita komode dhe sot ndaj Getafes në “Bernabeu” nuk u sforcuan shumë për të marrë 3 pikë.
Vendasit ishin gjithmonë superior dhe në pjesën e parë kaluan në epërsi në 38’ me Casemiro ndërsa në të dytën me Vazquez siguruan 3 pikët. Benzema nuk arriti të shënonte gjithsesi teksa pas golit të dytë Ancelotti e zëvendësoi për të mos rrezikuar më tej me të duke i dhënë shans edhe Gareth Bale.
Fitorja mbetet 2-0 për Realin në fund që i afrohet më shumë titullit edhe pse Barcelona vijon të kërcënojë por duket se është tepër vonë për ta.
Klasifikimi:
