Replika në distancë mes kryeministrit Edi Rama dhe ish-ministrit të Shëndetësisë Nard Ndoka.
Gjatë fjalës së tij në Kongresin e PS, Rama ironizoi me Ndokën.
“Merreni me mend sa çfarë qamenti do kishte qenë pandemia në Shqipëri sikur armiku i padukshëm të na kishte ardhura për vizitë në spitalet dhe shërbimet shëndetësore deri të para ca viteve ku njerëzish vareshin në kangjellat e Nënë Terezës duke klithur se s’ka ilaçe dhe tundin recetat që u jepeshin për ti blere në farmaci lart e poshtë, apo kur vinin me çarçafë e batanije në krahë për të shtruar njerëzit në spitale… ndryshimi mes nesh, për të mos thënë fjalë gjatë, ka dy fjalë, Nard Ndoka ministër i shëndetësisë. Imagjinoni takimin në zyrën e ministrit mes Covid-it dhe Nard Ndokës”, tha Rama.
Ndoka iu përgjigj përmes një reagimi në FB: O Edo, o toç, në kohën tonë kishte reforma, jo koncesione!
“Po e falimentojnë sistemin shëndetësor me koncesione e PPP dhe ju tregon prralle ‘kongresmenve’ të partisë”, shton më tej Ndoka në një përgjigje me një komentues.
