Tre armë të llojit kallashnikov AK-47 me numër të barabartë gëzhojash, një bajonetë e integruar në njërën nga pushkët, 15 eksplozivë, e 275 fishekë janë sekuestruar në kufirin greko-shqiptar. Mësohet se ngjarja ka ndodhur mesditën e sotme në Rripin e Sagiadës, në kufirin greko-shqiptar.
Kathimerini shkruan se në një vend u gjetën dy çanta të zeza që ishin fshehur me kujdes, në të cilat u gjetën dhe u konfiskuan tre pushkë AK-47 kallashnikov me numër të barabartë gëzhojash, një bajonetë e integruar në njërën nga pushkët, 15 copë “eksploziv” , 25 përshpejtues me kapacitet 10 fishekë dhe 250 fishekë.
Ende nuk ka asnjë të arrestuar për këtë ngjarje. Hetimet po kryhen nga Nëndrejtoria e Sigurisë së Janinës, ndërkohë që vijojnë hetimet për kapjen e personave të përfshirë në këtë rast.
