Kris Jenner ka folur rreth vendimit të ish-bashkëshortit të saj prej 22 vitesh, për të ndryshuar gjini dhe e ka cilësuar si “një moment tronditës” në jetën e saj.
Kishte shumë tension dhe zemërim pas divorcit të tyre, pasi Kris deklaroi se u trondit kur zbuloi se babai i fëmijëve të saj, Bruce ose siç njihet me emrin femëror Caitlyn, po ndryshonte gjini.
Kris tha se ajo nuk i kuptoi ndjenjat e Caitlyn në fillim, veçanërisht pas një martese 22-vjeçare ku ata ndanë 2 fëmijë, Kendall dhe Kylie .
Caitlyn doli si transgjinore në prill 2015, dy vjet pas divorcit, ndërsa Kris pretendoi se nuk ishte në dijeni të ndjenjave të Caitlyn ndaj gjinisë së saj. Por, libri i Caitlyn i vitit 2017, “The Secrets of My Life”, zbuloi se Kris ishte e vetëdijshme për gjithçka.
