Tenisti Arbër Sulstarova u bë pjesë e “Big Brother VIP” këtë edicion. Ndonëse rrugëtimi i tij zgjati vetëm pak javë ai u përfshi në disa situata shumë të komentuara.
Gjatë pjesëmarrjes së tij në “BBV”, Arbërit iu dha mundësia që të hapte kutinë e Pandorës ku iu kërkua që të dërgonte tre veta në nominim në mënyrë që ai të shpallej imun. Zgjedhjet e tij ishin Donaldi, Beatrix dhe Einxhel. Beatrix kishte rreth 2 muaj që nuk dilte në nominim dhe Arbëri ishte i parë që e çoi direkt në televotim. Fill pas atij nominimi, këngëtarja u eliminua.
“Njerëzit më përshëndetin. “O sa bukur e bëre nominimin”-thonë.”– deklaroi Arbëri në një intervistë për “Ditë e re”.
Sa i përket kontakteve dhe lidhjeve ai tha se ka të njëjtin mendim që ka patur për të gjithë dhe se është zhgënjyer vetëm nga Monika.
“Mbaj kontakte me Ilirin, Meridianin, Palomën, Valonin. Kalojmë kohë bashkë. Unë nuk kam ndryshuar mendim për asnjë, përveç Dagz. Edhe Monika më zhgënjeu në disa gjëra sepse nuk ishte koherente.”-tha ai.
