Kriminaliteti në vend është rritur ndjeshëm. Çdo ditë regjistrohen vepra të ndryshme penale, ku përfshihen, vrasjet, vjedhjet, korrupsioni në të gjitha nivelet, por edhe falsifikimi i monedhave si dhe mashtrimi. Ndërkohë arsyet që shtyjnë qytertarët të shumtë drejt kryerjes së një krimi janë të shumta, kryesorja mbetet niveli i varfërisë.
Në kushtet e një krize të thellë ekonomike dhe papunësie, shumë persona mundohen të gjejnë rrugë joligjore për të mbijetuar. Një rast i tillë është edhe ai që do të shihni në videon e mëposhtme të siguruar nga BoldNews.
Një djalë i ri drejtohet tek një pikë e këmbimit të valutave dhe kërkon të kthej 2 mijë euro në lekë.
Punonjësja sapo merr eurot në dorë e kupton se ato janë flase. I drejtohet djalit me fjalët: Këto janë flase.
Por për të treguar se ajo po gënjen, djali i thotë: Nuk qenke mirë.
Në momentin që vajza merr telefonin për të njoftuar pronarin dhe më pas policinë, djali del nga pika e këmbimit valutor dhe largohet me shpejtësi.
Raste të tilla në kryeqytet, dhe jo vetëm, janë të shumta.
Por duket se ato janë shtuar në këto kohë kur flasim për krizë të thellë ekonomike, për papunësi, për paga të ulëta dhe pamundësinë për të mbijetuar.
