Edhe Konferencë League zhvillon këtë të enjte ndeshjet e para të çerekfinaleve të këtij kompeticioni. Roma, pretendetja kryesore për ta fituar këtë trofe udhëton në Norvegji përballë Bodo Glimt.
Për kryeqytetasit e Italisë, kjo ndeshje mund të jetë dhe një hakmarrja pas humbjes 6-1 që skuadra e Jose Mourinhos pësoi nga skuadra norvegjeze në fazën e grupeve.
Megjithatë, siç deklaroi dhe tekniku portugez, në prag të sfidës, ky duel do të jete një tjetër histori dhe kurrsesi nuk mund të bëhen gabime të ngjashme.
Në duelin tjetër, Leicester do të ketë përballë PSV, një skuadër pretendente për titullin në Holandë dhe pse jo dhe në Kupat e Europës. Megjithatë, nëse do t’i referohemi statistikave, klubi holandez ka triumfuar vetëm një herë në dhjetë ndeshjet e fundit përballë skuadrave angleze dhe fitoren e fundit e regjistron ndaj Tottenham në vitet 2007–2009 në raundin e të 16-të të Kupës UEFA.
Ndeshje e fortë është dhe ajo mes Marseille dhe PAOK. Statistikat flasin të gjitha për francezët që janë të pamposhtur në gjashtë ndeshjet e fundit europiane në shtëpi me 4 fitore dhe 2 barazime. Duelet e para çerekfinale i kompleton sfida Feeynoord–Slavia Praga.
