Rudina Dembacaj do të sjellë së shpejti filmin e saj, ku përveçse si aktore ajo ka edhe rolin e producentes.
Ajo ishte e ftuar në një intervistë së bashku me aktorin Gentian Zenelaj, ku treguan se xhirimet janë zhvilluar kryesisht gjatë natës me orare të zgjatura.
“Rudina është personi që nuk është zhveshur asnjëherë në film, në kuptimin që nuk ka pasur asnjë skenë me këmishë nate fare. Xhirimet janë bërë natën më shumë, me orare të zgjatura, duke lënë mënjëane deri diku familjen.”– zbuloi ai.
Në një lojë që u zhvillua gjatë emisionit, dyshja u pyetën se cili nga ata ka folur më shpesh me partnerin gjatë xhirimeve. Rudina Dembacaj, e cila është e martuar me Mark Frrokun prej pothuajse dy vitesh, tha se ai ka qenë i pranishëm gjatë xhirmeve të filmit “Dashuri dhe Turbulenca.”
Pjesë nga biseda:
Rudina Dembacaj: Unë flas shpesh sepse e kam ves. Marku ka ardhur edhe në xhirime.
Gentian Zenelaj: Marku ka parë të gjitha shfaqjet e Rudinës.
Rudina Dembacaj: Më do mi Bieta.
Gentian Zenelaj: Madje kur Marku nuk vinte, ne e merrnim në telefon për ta pyetur “kur do të vish.” Marku e dashuronte shfaqjen tonë, besoj do ti pëlqejë edhe filmi shumë.
