Kryeministri Edi Rama deklaroi në emisionin “Opinion” se është krenar për inceneratorët. Rama tha se dy nga 3 inceneratorët janv në punë, ndërsa ai i Tiranës është në proces.
“Përmes këtyre veprave ne pastruam vendin nga ato plehrat që kishin mbytur këtë vend. E mbani mend Elbasanin që ishte me një tym të madh, sot s´ka tym.
Në Elbasan ne morëm rezultatin më të mirë elektoral, pikërisht për këtë arsye”, tha Rama. Ai u shpreh që të garantohet prodhimi i energjisë në këto impiante duhet të sigurohet mbledhja e mbetjeve nga të gjitha bashkitë.
Në debat me drejtuesin e emisionit Blendi Fevziu, i cili i tha se “pas 30 vjetësh fitimi ështv 600 mln euro”, Rama tha se “nuk bëhen llogaritë sikundër ti thonë”.
Rama ka humbur qetësinë dhe në një moment është çuar nga karrigia duke folur me disa nga qytetarët që ndjekin në studio emisionin ku ishte i ftuar.
“Si jeni, çkeni bërë ndonjë gjë”, ishte dialogu i Ramës me spektatorët, ndërsa Fevziu paraqiste disa grafikë lidhur me fondet që janë hedhur te inceneratorët.
