Partizani do të luajë kundër Teutës të shtunën, ndeshje e vlefshme për javën e 28-të të Superiores. Klubi i kuq ka zyrtarizuar axhendën për këtë sfidë mjaft të rëndësishme që do të vendosë shumë për Kupat e Europës. Përballja me durrsakët është përcaktuar të zhvillohet në stadiumin “Elbasan Arena”, në orën 16:45.
Në datën 9 prill, skuadra e drejtuar nga Dritan Mehmeti do të ndeshet me kampionët në fuqi të Shqipërisë. Kujtojmë që Partizani vjen në këtë sfidë pas fitores 2-1 kundër Laçit dhe optimizmi në kampin kryeqytetas është i madh. Veç kësaj, dozat e optimizmit i ka shtuar edhe stërvitja në kompleksin e ri.
