Ish-Kryeministri Sali Berisha reagoi ndaj kryeministrit Edi Rama, i cili pohoi sot se do të legalizojë kanabisin për qëllime mjekësore në vend.
Berisha thotë se kjo është një goditje e rëndë për shqiptarët dhe Shqipërinë.
“Arriti! Ediskobari apo Noriega i Shqipërisë do kurorëzohet Mbreti i Kanabistanit.
Kjo është goditja më e rëndë e qenies, shëndetit fizik dhe mendor, identitetit, reputacionit dhe të ardhmes së shqiptarëve dhe Shqipërisë.
Me këtë akt Shqipëria, e shpallur këto vitet e fundit Kolumbi e Europes apo Kanabistan, shndërrohet në eksportues kryesor krimi dhe bëhet një vend që kërcënon kështu sigurinë e vendeve të rajonit dhe më gjerë.
U bëj thirrje shqiptarëve dhe komunitetit ndërkombëtar të kundërshtojnë këtë kurorëzim, në mbrojtje të interesave jetike të tyre,” shkruan Berisha.
