Kryetari i qendrës së eksportuesve shqiptarë, Alban Zusi, tha në emisionin ‘Këndi i Pano Sokos’ në Syri Tv se situata është e komplikuar për konsumatorët pas rritjes së çmimeve.
Zusi nuk la pa përmendur edhe bizneset për të cilat theksoi se ato kanë ulje të fitimit në tre muajt e fundit. Sipas ekspertit kjo do të sjellë edhe mbyllje të vendeve të punës.
“Bizneset prodhuese vendase janë totalisht të përfshirë dhe pjesë e krizës së çmimeve, do thoja janë pjesë e amortizimit të ndjeshëm të kësaj rritje çmimesh sepse në tre muajt e fundit kanë ulur marzhin e fitimit.”-tha Zusi.
Sipas ekspertit kjo do sjellë një kosto në kurriz të qytetarëve pasi nuk do ju rriten pagat pasi biznesi ka ulur marzhin e fitimit.
“Do reflektohet në mungesën e investimeve, s’do ketë vende të reja pune. E gjitha kjo që po përjeton biznesi do reflektohet dhe po reflektohet te konsumatori.”-tha Zusi.
