Një 31-vjeçar është proceduar penalisht pasi ka tentuar të godasë me mjetin e tij shtetasin E.P.
Mësohet se ngjarja ka ndodhur për shkak të detyrës që E.P posedonte.
Prokuroria ka nisur menjëherë hetimin për ngjarjen.
‘’Nga Specialistët për Hetimin e Krimit në Komisariatin e Policisë Mat, filloi procedimi penal në gjendje të lirë për shtetasin D. S., 31 vjeç, banues në Burrel. Ky shtetas në rrugën “Kuvendi i Dukagjinit”, Burrel, për shkak të detyrës ka tentuar të godasë me mjetin e tij, shtetasin E.P. Materialet proceduriale në ngarkim të shtetasve të lartëpërmendur i kaluan Prokurorisë pranë Gjykatës së Shkallës së Parë Dibër dhe Mat, për veprime të mëtejshme’’,- thuhet në njoftimin e policisë.
